DI TENGAH gempuran media sosial dengan berbagai aplikasi, ternyata masih ada kaum Milenial atau Gen-Z yang berkirim surat secara konvensional, lengkap dengan kertas surat warna pink dan perangkonya.
Bukan tanpa alasan mengirim surat yang “bikin repot” pak Pos mengantarkan ke alamat yang dituju, tetapi memang hari itu adalah spesial, hari kasih sayang.
Simaklah isi suratnya. Kisah cinta yang terjalin secara LDR (Long Distance Relationship) antara Suis (Swiss) – Jakarta. Bikin senyum yang baca, membuat suasana pagi menjadi ceria.
Suis, 14 Pebruari 2025
Neng Mae,
Pegimane kabar Neng? Abang Jali di mari baek. Udeh lama banget Neng kagak kirim surat ke Abang. Emangnye Neng kagak kangen ame Abang? Babeh Naim ame Nyak Rohayah pegimane? Sehat?
Abang kangen banget ame Neng Mae. Mangkanye pas di hari palentin ini, Abang kirim surat. Abang di mari masih berjuang, Neng. Kerja keras bagai kuda biar kekumpul duitnye bakal modal kite nikah. Pan abang udeh janji ame Neng, bakal bawa banyak roti buaye ame rawanya sekalian, nyewa ondel-ondel se-RT, bawain daun sirih ame nanas item sekebon. Abang pasti tepatin janji Abang. Suer dah.
Neng Mae nyang sabar ye nungguin Abang. Nyang pasti, cinta Abang kagak berubah. Kagak ade ntuh bule nyang bikin Abang kecantol. Tetep Neng Mae nyang paling cakep. Hati Abang sepenuhnye buat Neng Mae.
Neng Mae, Babeh Naim, ame Nyak Rohayah baek-baek ye. Jaga kesehatan. Abang janji bakal kirim surat sering-sering, buat ngobatin kangen Abang ke Neng Mae.
Si Jupi jaga toko murbei
Biji lamtoro dilempar sambil kayang
Eh, hepi palentins dei
Neng Maesaroh nyang Abang sayang
Lope lope,
Rojali
@hatipena
