Nelayan-nelayan miskin nan bagantuang rasakinyo mancari lauak di lauik baibo hati. Amak-amak (ugang umah) nelayan ntu tapaso marela-an manjua ameh simpanannyo nan hanyo sagram duo gram ka untuak mambali kabutuhan sahari-hari. Nelayan nan indak punyo barang baharago, tapaso maminjam ka dakek lintah darek.
Namun, salamo hari-hari sulik ntu, ado acara makan-makan di rumah Pak Yuih. Acara ntu bukan acara mando’a, ado nan ulang tahun atau ado nan manikahm Pak Yuih hanyo nelayan biaso, samo takah tetangga lainnyo.
Pado hari-hari sulik ntu, Pak Yuih manyuruah ugang umahnyo mamasak nasi jo mangulai lauak banyak-banyak. Lalu, inyo ma-undang anak-anak tetangga yang bakakurangan untuak makan di rumahnyo. Sairiang jo itu, rengek tangih anak yang lapa indak tadanga lai, diganti jo paruik kanyang jo wajah nan ceria.
Kini tibolah hari kalimo. Pagi-pagi ugang umah pak Yuih mangecek ka Pak Yuih, “Ajo pitih kito tingga Rp 25.000. Kalau hari ko kito manyadiokan makanan untuak anak-anak tetangga, bisuak kito indak punyo pitih. Alun tantu bisuak Ajo bisa pai kalauik doh. Nan kecat ugang umahnyo.
Pak Yuih tahanok sabanta, sambia bapikia. Bantuak badannyo nan hitam badagok ntu malangkah kalua rumah, mancaliak ka arah lauik sarato mancaliak ka langik. Nun jauah disl situ na, lsakalompok awan hitam manjanjikan cuaco buruak beko sore.
Sudah ntu, Pak Yuih masuak ka rumah dan mangecat mantap, “Roih pai la ka pasa untuak balanjo kaparaluan, balanjo nan takah kapatang ntu, ajak baliak anak-anak tetangga makan. Urusan bisuak jan dipikia-an,” kecat Pak Yuih.
Sudah ntu Pak Yuih masuak ka kamarnyo dan ba’doa. Pak Yuih mamohon ka dakek Tuhan untuak dapek ma-agiah cuaco yang rancak pagi, sore jo malam, agar inyo nelayan lainyo bisa kaluik mancari lauak, dan bisuak ado cukuiik makanan untuak saisi kampuang.
Ndak lamo sudah ntu, Siang hari anak-anak tetangga makan di rumah Pak Yuih. Anak-anak ntu nampak sanang bana. Lah salasai, anak-anak ntu manyalami Pak Yuih dan Buk Yuih sambia minta tarimokasih.
“Pak...! apokah bisuak kami buliah tibo baliak untuak makan siang dirumah Pak Yuih..? salah satu gadih ketek yang sadang mangendong adiaknyo batanyo kadakek Pak Yuih. Matonyo yang gadang bawarna hitam mamandang panuah harapan.
Ugang umah Pak Yuih senyum sadiah. Inyo ndak tau apo yang harus nyo jawek. Tapi dengan mantap, jo suaro yang paraow, Pak Yuih manjawek. “Indak nak, bisuak anak-anak makan di rumah sorang-sorang jo samba nan lamak makam," kecat Pak Yuih.
Gadih ketek ntu senyum je nyech. Anak-anak ntu pado picayo apo yang dikecek-an Pak Yuih nelayan yang berpengalaman. Mungkin Pak Yuih tahu baso beko malam cuaca cerah dan nelayan akan mandapek lauak.
Aghi la manunjuak-an pukua ampek sore, Pak Yuih pai kalua rumah dan macaliak aghi di lauik yang umahnyo ndak bara jauh dari pantai. Lauik tanang, angin barambuih sepoi-sepoi je. Sakalompok awan hitam yang majanjikan cuaca buruak hilang antah kama pai-e.
Malam tibo, Pak Yuih dan tetangganyo ado yang mulai pai ka lauik. Biduak bacadiak, biduak ba masin-tempe maluncua tanang. Para nelayan berhasil manangkok lauik. Katiko mantari pagi manampakan dirinyo, biduak-biduak nelayan manuju darek ka tapi dan disambuik dek anggota keluarga jo sanang hati dan gembira.
Pak Yiuh takana pado anak-anak tetangga. Tuhan ala majawek do’anyo. Kasado nelayan ntu mandapek razaki. Hari ko indak ado acara makan-makan di rumah Pak Yuih. Sado anak-anak makan di rumahnyo masing-masing. Sakali-sakali di ateh biduaknyo Pak yuih bersyukur dan ba’doa maminta ka Tuhan agar nelayan-nelayan dikampuangnyo bisa kalauik. Lah Itu Je-Nyech...
#red
